Қазақстанның бес облысында неге оңалту орталығы жоқ: Министр түсіндірді

Қазақстанның бес облысында бірде-бір стационарлық оңалту орталығы жоқ. Бұл туралы ҚР еңбек және халықты әлеуметтік қорғау министрі Біржан Нұрымбетов мәлімдеді, деп хабарлайды Stan.kz ақпарат агенттігі. 

Қазіргі уақытта министрдің айтуынша, елімізде 40 ауруханада оңалту орталығы бар, оның ішінде биыл 12 жаңа оңалту орталығы мемлекеттік әлеуметтік тапсырыс және мемлекеттік-жеке серіктестік (МЖӘ) арқылы іске қосылды.

"Мұқтаждарды оңалту орталықтарымен қамту 47 пайызға жетті, бірақ орталықтар құру мәселесі өзекті болып қала береді. Бес облыста стационарлық оңалту орталықтары мүлдем жоқ. Тағы үш аймақта оңалту қызметтерін алушылардың қажеттілігі олардың мүмкіндіктерінен асып түседі", - деді Нұрымбетов үкімет отырысында.

Министр барлық сегіз облыста 2021-2023 жылдарға арналған жаңа стационарлық оңалту орталықтарын салу жоспарланып отырғанын атап өтті.

"Осылайша, 2025 жылға қарай қажеттілік 100% қамтамасыз етіледі", - деп толықтырды еңбек министрлігінің басшысы.

Үкіметтің хабарлауынша, 2020 жылы Қазақстанда мүгедектерді әлеуметтік қамсыздандыруға 448 миллиард теңге (1 миллиард доллардан астам) бөлінді, бұл 2019 жылға қарағанда 12% артық.

Талқылау
Пікір
Қазір оқып жатыр
Çàãðóçêà...
Қазір оқып жатыр