Қазақстандық гимнаст Болгарияда екі алтын медальді жеңіп алды
Қазақстандық гимнаст Эльжана Таниева Болгарияда өткен көркем гимнастикадан халықаралық жарыста екі алтын медальді жеңіп алды, деп хабарлайды Stan.kz ақпарат агенттігі.
София кубогында Эльжана Таниева шығыршық және таспа жаттығуында бақ сынады. Таспа жаттығуында қазақстандық гимнаст 20.550 ұпай жинап, алтыннан алқа тақты. Екінші орынға жергілікті спортшы Татьяна Воложанина жайғасса, үштікті италиялық София Мафез түйіндеді.
Екінші алтынын Эльжана Таниева шығыршықпен жаттығуда жеңіп алды. Ол 22.300 ұпай жинап, болгариялық Татьяна Воложанина мен Ева Брезальевадан басым түсті.
Сондай-ақ ел қоржынына тағы екі жүлдені Сабина Бакатова салды. Ол доп және ұршықпен жаттығуда үшінші нәтиже көрсетіп, қола жүлдені қанжығасына байлады.
Осылайша, Қазақстан спортшылары Болгарияда өткен София кубогында екі алтын және екі қола жүлдені қоржынға салды.
Талқылау
Радикализмнен қорғанудың жолы – иммунитет қалыптастыру: Теріс ағымнан сақтануда сақтануда діни білімнің маңызы қандай
Әл-Фараби Болатжан: “Надандық бар жерде радикалдық ағым кең етек жая бастайды”
"Несиенің пайыздық мөлшерлемесі азаяды": Сарапшы коммерциялық банктер тұрғын үй жинағын енгізсе қандай өзгерістер болатынын айтты
Сарапшы: "Бұл ұзақ мерзімді перспективада банктік жүйеге де оң әсер етеді. Уақыт өте келе қаржыландыру арзандайды, яғни ставкалар төмендеп, неғұрлым қолайлы деңгейге жетеді”