Қазақстандық азамат полиция көлігіне түкіргені үшін қамауға алынды
Павлодар қаласының мамандандырылған әкімшілік сотында қала тұрғынына қатысты әкімшілік іс қаралды, ол былапыт сөз айтып, полиция қызметкерлерінің қызметтік автокөлігіне түкірген, деп хабарлайды Stan.kz ақпарат агенттігі.
Оқиға 27 тамызда болған. Күдікті тіпті оқиғаны ұялы телефонға түсіріп алған.
"Азамат Я. Павлодар қаласы, Қайырбаев көшесі бойында балағат сөздер айтып, ішкі істер органдары қызметкерлерінің автокөлігіне түкіріп, аталған құқық бұзушылықты ұялы телефонға түсіріп алған. Сол арқылы қоғамдық тәртіпті бұзып, ұсақ бұзақылық жасаған", - делінген сот қаулысында.
Сотта ер адам өзінің әрекетін мас күйінде болуымен түсіндіріп, әкімшілік құқық бұзушылық жасағанын мойындады.
Сот оны Әкімшілік құқық бұзушылық туралы кодекстің "ұсақ бұзақылық" бойынша кінәлі деп танып, 10 тәулікке әкімшілік қамау түріндегі жаза тағайындады. Сот қаулысы әлі заңды күшіне енген жоқ.
Талқылау
Жинағыңызды алтынмен сақтау тиімді ме – Сарапшылар бағалы металдың грамы 100 мың теңгеге жететінін болжады
Маманның сөзінше, тарихи тұрғыда қор нарығы құлдыраған кезде алтынға сұраныс артады
Қазақстандық көпбалалы ана "Асар Уме" қайырымдылық қорын апатты үй берді деп айыптады
Екінші топ оқырмандар көпбалалы ананың қанағатсыздығын сынады