Қазақстанда заңдастырылмаған көліктердің "тағдыры" қалай шешіледі – ІІМ түсіндірді

Ішкі істер министрлігі Әкімшілік полиция комитеті төрағасының міндетін атқарушы Қайсар Сұлтанбаев шетелдік көлігін заңдастырмаған азаматтарға не істеуге болатынын түсіндірді, деп хабарлайды Stan.kz ақпарат агенттігі. 

Орталық коммуникациялар қызметінің брифингінде Қайсар Сұлтанбаев журналистердің сұрағына жауап беріп, Қазақстанда заңдастырылмаған шетелдік көліктердің шарадан кейінгі “тағдыры” қалай шешілетіні жайлы айтты. 

"Заңдастырудан өтпеген көліктердің иелері қайтадан әкелген еліне шығаруы керек болар немесе бөлшектеп, қосалқы бөлшек ретінде сатып құтылатын шығар. Мен басқа жолын көріп тұрған жопын", – деді ІІМ өкілі.

• Астанада "Азаматтарға арналған үкімет" қызметкерлері 500-ге жуық көлікті заңсыз тіркеп, мемлекетке 1 миллиард теңге шығын келтірді

• Цифрлық автокредит бойынша бастапқы жарна төмендетілді

Еске салайық, бұған дейін Ішкі істер министрлігі шетелдік көліктерді заңдастыруға қатысты көпті алаңдатқан сұрақтарға жауап берген еді. Қайсар Сұлтанбаевтың сөзінше, Парламент Салық кодексіне алғашқы түзетулерді қабылдаған. Заңдастыруға жататын көліктерді тіркеу үшін төленетін алым 200 мың теңге деп белгіленген.