"Қазақстанда вакцинацияға наразылық білдірген дәрігерлер жаппай жұмыстан шығуда": Министрлік түсіндірді
Желі қолданушыларын қазақстандық және ресейлік дәрігерлер COVID-19 қарсы вакцинацияға наразылық білдіріп, жаппай жұмыстан шығып жатыр деген хабар алаңдатуда. ҚР денсаулық сақтау министрлігі бұл ақпаратты жоққа шығарды, деп хабарлайды Stan.kz ақпарат агенттігі Stopfake басылымына сілтеме жасап.
Ведомствоның хабарлауынша, Қазақстанда дәрігерлердің жаппай жұмыстан кету үрдісі байқалмайды.
"Бұл ақпарат шындыққа жанаспайды. Дәрігерлер ерікті түрде вакцинацияланады, біз ешкімді мәжбүрлемейміз. 22 ақпандағы жағдай бойынша "Спутник-V" вакцинасының бірінші компонентімен 20 195, екіншісімен – 2 138 медицина қызметкері егілді", – деп хабарлады министрліктен.
Ресейде де дәрігерлер мен медицина қызметкерлерінің жаппай жұмыстан кетуі туралы хабарланған жоқ.
Астанада пайдаланылмайтын велосипедтер сатып алу үшін миллиардтаған қаржы жұмсалған: Әкімдік не дейді
Елордада бұған дейін салынған велосипед инфрақұрылымының 90 пайызы пайдаланылмай тұр
Шымкентте тұрғын жаңа әуежайда намаз оқитын орын жоқ екеніне шағымданды
Ер адам: "Мынау зал, намазды маған осы жерде оқуды ұсынып отыр”