Қазақстанда мектептер алты күндік оқу аптасына көшу туралы шешімді өз бетінше қабылдай алады
Қазақстанда мектептердің басшылығы енді алты күндік оқу аптасына көшу туралы шешімді өз бетінше қабылдай алады. Бұл туралы Stan.kz ақпарат агенттігі хабарлайды.
Бұл туралы оқу-ағарту министрлігінің орта білім комитеті төрағасының орынбасары Гүлбақыт Жүнісова мәлімдеді.
Қазақстан мектептерінде оқу аптасы бес күндік те, алты күндік те болуына рұқсат етілген. Әрбір білім беру ұйымы нақты оқу режимін өз бетінше белгілейді. Мәселен, мектеп басшылығы оқу жүктемесі артқан жағдайда алты күндік оқу аптасына көшу туралы шешім қабылдай алады.
“Барлығы оқушылар саны мен мектептің мәртебесіне байланысты. Егер бұл гимназия немесе лицей болса, онда оқу сағаттарының саны сәйкесінше көп болады. Шешімді әрбір білім беру ұйымының басшысы қабылдайды. Алайда оқу-ағарту министрлігі ресми түрде алты күндік оқу аптасына көшу туралы хабарлаған жоқ”, – деді министрлік өкілі.
Еске салсақ, бұған дейін Қазақстанда мектептер мен балабақшаларда Наурыз мерекесіне орай дастархан жаюға тыйым салынғаны туралы жазған едік.
Ұстазының жетекшілігімен цирк әлеміне келген қазақстандық егіз Cirque du Soleil-де өнер көрсетеді
Алексей: "Cirque du Soleil-ге өтінім жіберіп, жауабын 4 жыл күттік"
"Түрлі тағам пісіремін, өкшелі аяқкиім киіп, саяхаттаймын": Желіде боянғанын көрсеткен 90 жастағы қазақстандық әже жұртты сүйсіндірді
Күнсара әже: "10-15 күн сайын моншаға барып, көп кітап оқып, әдемі жүргенді ұнатамын”