Қазақстанда есірткіні үй жағдайында қолданғандар жауапкершілікке тартылмақ
Ішкі істер министрлігі Қазақстанда есірткіні қоғамдық орындардан тыс пайдаланғандар үшін жауапкершілік енгізілетінін мәлімдеді. Бұл туралы Stan.kz ақпарат агенттігі хабарлайды.
Фото: rehab-rpc.ru
Есірткі тұтынуға толық тыйым салуды белгілеу мақсатында оларды қоғамдық орындардан тыс жерлерде қолданғаны үшін әкімшілік жауапкершілікті енгізу мәселесі талқылануда.
"Егер бұл бастама мақұлданса, қоғамдық орындарда есірткіні медициналық емес мақсатта қолданса қылмыстық заңмен, ал қалған жағдайда – үйде, көлікте, ойын-сауық мекемесінде қолданса әкімшілік заңмен жазаланады", - делінген хабарламада.
Айта кетейік, қолданыстағы заң бойынша қоғамдық орындарда есірткі пайдаланғаны үшін қолданылатын қылмыстық жауапкершілік бас бостандығынан айырумен байланысты емес.
"Бұл не айыппұл, не қоғамдық жұмыстар болуы мүмкін", - деді Ішкі істер министрлігі.
Қазақстанда киіз үй бағасы 200 мыңнан 1,8 миллион теңгеге дейін: Оны кімдер сатып алады?
"Өзін құрбан ету үшін "айналайын" деп дауыстаған": Қазақтың қандай салт-дәстүрі мен ұғымдары ұмыт болды
Тарихшы: "Ауру адамды киіз үйдің ортасына жатқызып, қарт кісі үш рет айналып, есікке келгенде “айналайын” деп дауыстайды"