Қазақстанда доллар бағамы 500 теңгеден төмендеді
13 ақпанда Қазақстан қор биржасындағы (KASE) күндізгі сауда-саттық нәтижесі бойынша, АҚШ долларының теңгеге шаққандағы бағамы 497,88 теңге болды. Бұл туралы Stan.kz ақпарат агенттігі хабарлайды.
Фото: pixabay.com
KASE мәліметінше, доллардың орташа сараланған бағамы 497,88 теңгені құрап, 3,95 теңгеге арзандады. Ал Ұлттық Банктің 13 ақпандағы ресми бағамы бір доллар үшін 501,31 теңгені құрайды.
Кurs.kz порталының деректер бойынша, қазір Алматының айырбастау орындарында долларды сатып алудың орташа бағамы 498,87 теңгеге, сату - 502,89 теңгеге тең.
Ал Астанадағы айырбастау орындарында америкалық валютаны орта есеппен 498,54 теңгеден сатып алып, 504,63 теңгеден сатады.
Еске салсақ, бұған дейін сарапшылар доллар бағамын 550-560 теңгеге дейін өседі деп болжаған болатын.
Талқылау