Қазақстанда Тұңғыш президент күнін алып тастау ұсынылды
Парламент Мәжілісінің депутаттары Тұңғыш Президент күнін мемлекеттік мереке мәртебесінен айыруды ұсынды, деп хабарлайды Stan.kz ақпарат агенттігі.
7 қыркүйекте Мәжіліс отырысында қаралатын "Қазақстан Республикасының кейбір заңнамалық актілеріне кинематография және мәдениет мәселелері бойынша өзгерістер мен толықтырулар енгізу туралы" заң жобасында осындай тармақ бар.
"1 желтоқсан – Тұңғыш Президент күнін мерекелеуді, мемлекеттік рәміздер күні, Алғыс айту күні сияқты атаулы күндерге және мемлекеттік мерекелер тізбесінен алып тастап, әлеуметтік маңызы жоғары, әлеуеті жоғары басқа да даталарға ұқсас етіп белгілеу ұсынылады", – делінген құжатта.
- Нұрсұлтан Назарбаев күзде өтетін сайлауға қатысуы мүмкін бе – Вице-министр жауап берді
- Дариға Назарбаева елордада Айсұлтан Рахатты еске алу турниріне қатысты
Мемлекет басшысының 2022 жылғы 16 маусымдағы Ұлттық Құрылтай отырысында берген тапсырмасын орындау мақсатында депутаттар "Қазақстан Республикасындағы мерекелер туралы" Қазақстан Республикасының Заңына мынадай өзгерістер мен толықтырулар енгізді:
25 қазанды мемлекеттік мереке – Республика күні;
16 желтоқсан – Тәуелсіздік күні мемлекеттік мереке ретінде бекітілсін.