Қазақстанда әйелдерге қатысты қандай қылмыстар үшін жаза қатаңдатылғаны белгілі болды

Елімізде тұрмыстық зорлық-зомбылыққа қатысты заңнамаға өзгерістер енгізілмек. Бұл туралы Stan.kz ақпарат агенттігі хабарлайды.

Фото: pixabay.com

Әйелдердің құқығын және балалардың қауіпсіздігін қамтамасыз ету туралы заң жобасы әйелдер мен балаларға қатысты қылмыстардың көптеген түріне қылмыстық жауапкершілікті қарастыруды көздейді.

• Аймағамбетов әйелін ұрып-соққандардың жазасы қалай қатаңдатылатынын айтты

• Қазақстанда вейп сатқандарға бес жылға дейін бас бостандығынан айыру жазасы тағайындалмақ

Атап айтқанда, түзетулер қылмыстық жауапкершілікті енгізеді және мына баптар бойынша жауапкершілікті қатаңдатады:

• Ұрып-соғу – 80 АЕК (2024 жылы 295 360 теңге) мөлшерінде айыппұл салу немесе 80 сағатқа дейін қоғамдық жұмыстарға тарту немесе 25 тәулікке дейін қамауға алу;
• Қинау – 600 сағатқа дейін қоғамдық жұмыстарға тарту немесе 3 жылға дейін бас бостандығынан айыру;
• Денсаулыққа ауыр зиян келтiру – 3 жылдан 8 жылға дейiнгi мерзiмге бас бостандығынан айыру;
• Денсаулыққа орташа ауыр зиян келтiру – 2 жылға дейiнгi мерзiмге бас бостандығынан айыру;
• Өзін-өзі өлтіруге дейін жеткізу – 3 жылға дейін бас бостандығынан айыру немесе шектеу;

Бұған дейін депутаттар оқушыларға сабақ барысында телефон қолдануға тыйым салатын заңды мемлекет басшысына жолдаған еді.