Қазақстанда автотұрақтарда электр көліктерін зарядтауға тыйым салынды
Төтенше жағдайлар министрлігі автотұрақтарда электр көліктерін зарядтауға тыйым салды. Бұл туралы Stan.kz ақпарат агенттігі хабарлайды.
Фото: pixabay.com
Төтенше жағдайлар министрлігі автотұрақтарда электрмен жүретін көліктерді зарядтау өрт қаупін тудырады деп алаңдаулы.
Ішкі істер министрлігінің мәліметінше, 2023 жылдың 25 қыркүйегіндегі жағдай бойынша республикада 6,5 мыңнан астам электромобиль қолданылуда.
Төтенше жағдайлар министрлігі электр көліктері мен оларды зарядтау станцияларын орналастырудың халықаралық тәжірибесін зерделей отырып, сәулет, қала құрылысы және құрылыс саласындағы мемлекеттік нормативтік құқықтық актілерге зарядтау станцияларын орналастыруға қойылатын талаптарды белгілеу бөлігінде түзетулер енгізу қажеттігін хабарлайды.
Министрлік Қытай мен Түркияға электр көлігін пайдаланудың практикалық тәжірибесін зерделеуге сұраныс жіберді.
"Төтенше жағдайлар министрлігі әртүрлі мақсаттағы ғимараттарда электр көліктерін зарядтау станцияларын орналастыруға рұқсат ету мәселесі бойынша заңнамалық реттеулер мен мемлекеттік нормативтік құқықтық актілерге қажетті талаптарды енгізгеннен кейін, төтенше жағдайлар министрлігі өрт қауіпсіздігі ережелерінің талаптарын қабылданған түзетулер негізінде қайта қарайды", – деп атап өтті төтенше жағдайлар министрлігі.