Қазақстан мектептеріне "вакцина шашады" деген ақпарат тарады
Желіде қазақстандық мектептерде "вакцина шашады” деген жалған ақпарат тарап жатыр. Ақпаратта осыдан кейін бүкіл елде балалар ауырып, жаппай өлім дерегі көбейетіні айтылады, деп хабарлайды Stan.kz ақпарат агенттігі Stopfake.kz сайтына сілтеме жасап.
What‘sApp мессенджерінде балаларға арналған жұқпалы аурулар бөлімшелерінде төсек-орын дайын екені туралы аудио-хабарлама тарап жатыр. Автордың айтуынша, мектептерде "вакцина шашылғаннан" кейін, балалар жататын төсек-орын қажет болады. Балалар жаппай ауырып, өле бастайтыны айтылады.
Бұл ақпаратты санитарлық-эпидемиологиялық бақылау комитеті жоққа шығарды.
"Балаларға арналған қосымша инфекциялық төсек-орын дайындау туралы ақпарат шындыққа жанаспайды. Бүгінде, керісінше, сырқаттанушылық төмендеуіне байланысты жұқпалы аурулар стационарлары жабылып жатыр. Сондай-ақ бөлмеде бүрку арқылы қолданылатын вакцина жоқ", – деді ведомствоның ресми өкілі Ержан Байтанаев.
"Адамдар келсе айт, жылауға дайындалайық": Қазақстандықтар жаназа кезінде бастан кешірген жағымсыз жайттары туралы баяндады
Желі қолданушысы: "Қазақтың жерлеу рәсімін жек көремін"
Не себепті Қазақстанда туу көрсеткіші Ресейден жоғары? Сарапшылар мұның пайдасы мен зиянын айтып берді
Демограф: “Жастар арасында child free ұстанымына бет бұру үрдісі бар”