Қазақша онлайн-диктантты қалай жазу керек? Білу керек ережелер мен кеңестер
Қазақша республикалық онлайн-диктант 24 мамырда Stan.kz сайтында өтеді.
Оған қалай қатысу керек екенін әрі қарай оқыңыз.
1-қадам. Dictant.stan.kz сайтына кіріңіз.
2-қадам. Тіркелу жолағындағы сайтқа кіру батырмасын басып, Google арқылы кіресіз. Ол үшін gmail поштаңызбен тіркеліңіз.
Ескерту: Міндетті түрде жұмыс істеп тұрған gmail поштасын жазыңыз. Себебі тұлғаңыз расталмаған жағдайда ұтысқа қатыса алмайсыз.
3-қадам. Диктанттың толық мәтінін тыңдаңыз. Оны журналист Ғалым Қалмен оқиды.
4-қадам. Диктантты барлық ережені сақтай отыра, арнайы терезеге жазасыз, ол видеоның астыңғы жағында орналасады. Диктантты қазақша пернетақтасы орнатылған компьютер/ноутбук арқылы немесе ұялы телефон арқылы теруге болады.
Телеграмдағы каналымызға жазылып, диктант басталғанда хабарлама алыңыз.
Диктант кирилл әріптерімен жазылады.
5-қадам. Барлық мәтінді тағы бір рет тыңдаңыз, әр сөзі мен тыныс белгісіне назар аударыңыз.
6-қадам. Диктантты тексеріске жібермес бұрын, оны бір оқып шығыңыз.
7-қадам. Диктантты тексеріске жіберіңіз.
8-қадам. Жазған мәтініңізді дұрыс мәтінмен тексеріңіз, бағаңызды біліп, қатысқаны үшін сертификатын сақтап алыңыз.
Онлайн-диктантты жазушыларға маңызды ақпарат:
Мәтінді дәл әрі толық жазыңыз, сөздерді ауыстырмаңыз және тастап кетпеңіз, бөтен сөздер қоспаңыз.
- Диктанттың уақыты шектеулі екенін естен шығармаңыз, жалпы 30 минут беріледі. Уақыт мәтінді тергеннен бастап жүреді.
- Сызықшаның орнына "дефис" (-) белгісін қоюға болады, сол және оң жақтан бос орын қалдырыңыз. Осылай жазғанда бағдарлама оны қабылдайды.
- Мәтін абзацтарға бөлінген. Экранда әрбір ескерту көрсетілген кезде мәтінді жаңа жолдан бастап жазыңыз.
- Тексеруге жібермес бұрын жазылған мәтінді оқып шығыңыз, асықпаңыз. Мәтін жіберілген соң өзгеріс енгізу мүмкін болмайды.
- Ең үздіктердің арасында 10 адамға 200 мың теңге ақшалай сыйлықтар ойнатылады.
Жобаның серіктесі – Dauletten қоры.
Диктантты сәтті жазып шығуыңызға тілектеспіз!