Қарағандылықтар қаланың бас санитарлық дәрігерінің үстінен сотқа шағым түсірді
Кәсіпкерлер Қарағанды қаласының бас санитарлық дәрігеріне қарсы сотқа жүгінді. Қарағандыда кәсіпкерлер бас санитарлық дәрігерге қарсы сотқа жүгінді, деп хабарлайды Stan.kz ақпарат агенттігі КТК арнасына сілтеме жасап.
Олар дәрігердің карантиндік шараларды күшейту туралы бұйрығын заңсыз деп санайды. Кәсіпкерлер бұл шектеулерден кейін бір жыл ішінде жағдай жақсарған жоқ деп отыр.
Өз талаптарында кәсіпкерлер конституциялық құқықтардың бұзылғанын айтып шағымданады.
Атап айтқанда тыныш жұмыс істеуге және балаларды оқытуға тыйым салғанға қарсы.
Өтініш берушілер қарапайым азаматтар мен кәсіпкерлерге салынатын айыппұлды, әсіресе жұмыссыздық деңгейінде өте жоғары деп атады. Әрдайым маска киюге мәжбүр ету - психологиялық қысым, тіпті азап. Талапкерлер сот талқылауының сәтті өтетініне сенбейді, бірақ бәрібір сынап көруге ниетті. Онға жуық адам сотқа жүгінді. Алдағы уақытта тағы бірнеше адам шағым айтпақ.
"Бір жыл өтті. Бір жыл ішінде министрлік те, денсаулық сақтау қызметкерлері де осы вирусты басу мен қалыпты өмір салтын қалпына келтіру құралдары мен әдістерін таппады. Біз осылай тағы бірнеше жыл өмір сүре аламыз. Егер шетелдегі жағдай осындай дәрежеде болса, шекараны жапсын. Мұнда ешкімді кіргізбесін. Бірақ біздің мемлекетіміздің экономикасын қалпына келтіру керек", - деді заңгер Ирина Фурсова.