Қасым-Жомарт Тоқаев "Nur Otan" партиясының төрағасы болып сайланды

Қасым-Жомарт Тоқаев "Nur Otan" партиясының Төрағасы болып сайланды, деп хабарлайды Stan.kz ақпарат агенттігі.

"Қазақстан Республикасының Тұңғыш Президенті – Елбасы Нұрсұлтан Назарбаев Мемлекет басшысы Қасым-Жомарт Тоқаевты "Nur Otan" партиясының Төрағасы етіп сайлау туралы ұсыныс енгізді.", - делінген ҚР Президенті баспасөз қызметінің Twitter-де жариялаған ақпаратында.

Бүгін партияның кезектен тыс XXI съезінде Мемлекет басшысы бірауыздан "Nur Otan" партиясының Төрағасы болып сайланды.

Бұған дейін "Nur Otan" Төрағасы Тұңғыш Президент – Елбасы Нұрсұлтан Назарбаев болды.

Тоқаевтың "Nur Otan" басшылығына сайлануымен не өзгеруі мүмкін: Сарапшы пікір білдірді

"Nur Otan" партиясына төрағалық ету – аса жауапты жұмыс. Осы міндетті атқаруды маған ұсынып, қолдау көрсеткендеріңіз үшін  шынайы ризашылығымды білдіремін", - деді мемлекет басшысы.