Қарқаралыда саңырауқұлақ теруге кеткен әйелдің мәйіті табылды
Қарқаралыда орманға саңырауқұлақ теруге кетіп, жоғалып кеткен әйелдің мәйіті 4 күннен кейін табылды. Бұл туралы Stan.kz ақпарат агенттігі хабарлайды.
1951 жылы туған әйел 20 қыркүйекте Қарқаралы ауданындағы "Берлога" демалыс аймағы аумағына саңырауқұлақ теруге кетіп, адасып кеткен. Әйелді іздеу үшін төтенше жағдайлар департаментінің қызметкерлері, ТЖМ 52859 әскери бөлімі, полиция департаменті мен ерікті тұрғындар жіберілді.
"24 қыркүйекте сағат 10:54-те "Берлога" демалыс аймағынан оңтүстікке қарай 8 шақырым жерде іздестіру тобы із-түзсіз жоғалған әйелді тапты", – деп хабарлады Қарағанды облысы Төтенше жағдайлар департаментінің баспасөз қызметі.
Қарағанды облысының Төтенше жағдайлар департаменті табиғат аясына шықпас бұрын ауа райы болжамын тексеріп, ұялы телефоныңызды зарядтап, қайда және қашан баратыныңызды туыстарыңызға айтып, олармен байланыста болу керектігін еске салды.
Қазақстанда киіз үй бағасы 200 мыңнан 1,8 миллион теңгеге дейін: Оны кімдер сатып алады?
"Өзін құрбан ету үшін "айналайын" деп дауыстаған": Қазақтың қандай салт-дәстүрі мен ұғымдары ұмыт болды
Тарихшы: "Ауру адамды киіз үйдің ортасына жатқызып, қарт кісі үш рет айналып, есікке келгенде “айналайын” деп дауыстайды"