Соңғы жаңалықтар

Карантин кезінде мұсылмандар қалай еске алу рәсімін өткізе алады, бас мүфти айтып берді

Еске алу кештері кейінге қалдырылуы керек және төтенше жағдай аяқталғаннан кейін атап өтілуі керек. Бұл туралы орталық коммуникациялар қызметінде Қазақстан мұсылмандары діни басқармасының төрағасы, бас мүфти Наурызбай қажы Тағанұлы мәлімдеді, деп хабарлайды Stan.kz ақпарат агенттігі.

Төтенше жағдай кезіндегі діни іс-шараларға арналған баспасөз мәслихатында бас мүфтиден мұсылмандар туыстарының қайтыс болуына 40 күн және бір жыл болғандарды еске алу кештерін өткізу жайлы сұралды.

Рухани бөлім басшысы мұсылмандардың қасиетті кітабы - Құранда еске алу кештерін өткізу жайлы жазылмаған деп баса айтты. Бұл салт дәстүрге қатысты дүние деп қосты бас мүфти.

"Бұл шаралар отбасы мүшелерінің берекесіне бағытталған. Сондықтан төтенше жағдай болған кезде бәрін кейінге қалдыруға және кешіктіруге болады", - деп жауап берді мүфти.

Наурызбай қажы Тағанұлы сонымен бірге елде төтенше жағдай жарияланғаннан кейін мешіттерде індеттің алдын алу үшін ұжымдық намаз оқуды тоқтата тұруға мәжбүр болғанын еске салды.

Мүфти қазір тазалық пен өзін-өзі оқшаулауды сақтау бүкіл халық үшін басты міндет болып қалатынын атап өтті.


Талқылау
Пікір
Қазір оқып жатыр
Çàãðóçêà...
Қазір оқып жатыр