Қарағандыда жедел жәрдем жүргізушісін ұрған ер адам іздестіріліп жатыр (видео)
Қарағандыда жедел жәрдем жүргізушісін соққыға жыққан ер адамды полицейлер іздестіріп жатыр. Бұл туралы Stan.kz ақпарат агенттігі хабарлайды.
Фото: Кадрдан алынған скрин
Желіде ер адамның жедел жәрдем жүргізушісімен дөрекі сөйлесіп, кейін оны бірнеше рет ұрғаны түсірілген видео пайда болды. Кадрлардан ер адамның жедел жәрдем жүргізушісінің аулаға көлікті қойғанына көңілі толмайтынын айтқанын байқауға болады.
Жағдайға қатысты Қарағанды облыстық полиция департаменті түсініктеме берді.
"Полицейлер жедел жәрдем жүргізушісіне дене жарақатын келтірген қарағандылық тұрғынды анықтады. Оны ұстау бойынша қажетті шаралар жүргізілуде. Бұзақылық әрекетпен денсаулыққа қасақана зиян келтіру фактісі бойынша қылмыстық іс қозғалды", - делінген хабарламада.
Айта кетейік, бұған дейін Алматыда жедел жәрдем көлігін өткізбей қойған көлік жүргізушісі жауапқа тартылған болатын.
"Акушерге, дәрігерге, медбикеге бересің": Қазақстандықтар мемлекеттік перзентханалардың ақша бермесең қарамайтынын айтып, қызу талқылады
Әйел: “Әр қараған адамға 2 мың теңгеден екі күнге 60 мың теңге бердім”
"Бізден 100 есе жоғары алады": Қазақстан мен шетелдік дәрігерлердің жалақысын салыстырып көрдік
Алматының ауруханасында жұмыс істейтін дәрігерлер 160-250 мың теңге алады