Қарағандыда ер адам кәсіпорын басшысына оқ атты

Қарағандыда ер адам ЖШС директорына тапаншадан оқ атты, деп хабарлайды Stan.kz ақпарат агенттігі. 

Оқиға 27 қазан күні болған. Қарағанды қаласының полиция басқармасына сауда кәсіпорындарының бірінде қарулы жанжал болғаны жайлы хабар түсті. Оқиға орнына полицейлер аттанды.

Анықталғандай, кәсіпорында 30 жастағы ЖШС директоры әлдебіреумен сөзге келіп қалған. Жанжал кезінде ер адам травматикалық "Оса" тапаншасынан басшыға оқ атқан. Жаралы кәсіпкер медициналық мекемеге жеткізілді. Бірақ ауруханаға жатқызылған жоқ.

• Қарағанды облысында жолаушы такси жүргізушісіне бірнеше рет оқ атқан

• Танымал актер түсірілім кезінде екі адамға оқ атты: Оператор көз жұмған

"Полиция ізін суытпай 29 жастағы ер адамды ұстады. Күдікті кінәсін мойындады. Травматикалық тапанша тәркіленді", –  деп мәлімдеді полициядағылар.

Қылмыстық кодекстің 287-бабы "Қаруды заңсыз сақтау немесе алып жүру" бойынша қылмыстық іс қозғалды. Тергеу жүріп жатыр.