Қарағанды облысында жантүршігерлік жол апатынан 5 адам қайтыс болды
Жезқазған-Сәтбаев тас жолында жантүршігерлік апат болды. Жеңіл автокөліктің бөлгіш кронштейнмен соқтығысуы салдарынан бес адам қаза тапты, деп хабарлайды Stan.kz ақпарат агенттігі Қарағанды облысы полиция департаменті баспасөз қызметіне сілтеме жасап.
Жол апаты 21 наурыздан 22 наурызға қараған түні болды. ВАЗ автокөлігінің 31 жастағы жүргізушісі бөлгіш кронштейнге соғылды. Соққының ауыр болғаны соншалық, автомобиль мыжылып қалды. Көлікте болған 5 адам қайтыс болды. Олардың барлығы алған жарақатынан қайтыс болды.
«Аталған факті бойынша ҚР Қылмыстық кодексінің 345-бабының 4-бөлігі (абайсызда екі немесе одан да көп адамның өліміне әкеп соққан жол ережелерін бұзу) бойынша сотқа дейінгі тергеу басталды. Тиісті сараптамалар тағайындалды, тергеу жүріп жатыр », - деп хабарлады Қарағанды облысы бойынша ПД баспасөз қызметі.
Сонымен қатар, әлеуметтік желілерде оқиғаның куәгерлері 30-32 шамасындағы үш қыз бен екі ер адам апаттан қаза тапты деп жазды. Олар Жезқазған-Сәтбаев жолының өте тар екенін, сондықтан жол апаттары, оның ішінде адам өліміне алып келетін апаттар жиі болатынын айтты.