Қарағанды облысында сібір жарасын жұқтырған тағы бір науқас жансақтау бөліміне түсті
Қарағанды облысында сібір жарасын жұқтырған тағы бір науқас бүгін реанимация және қарқынды терапия бөлімшесіне ауыстырылды. Бұл туралы Қарағанды облысы Денсаулық сақтау басқармасының басшысы Бибігүл Төлегенова хабарлады. Бұл туралы Stan.kz ақпарат агенттігі хабарлайды.
Басқарма басшысының мәліметінше, қазіргі уақытта сібір жарасы диагнозы расталған екі науқас ем алып жатыр.
"Бір науқас 62 жаста. Ол тері қабыну синдромының күшеюіне, ісіну көлемінің ұлғаюына байланысты реанимация және қарқынды терапия бөлімшесіне ауыстырылды. Екінші пациент 41 жаста. Жұқпалы аурулар орталығының нейробокс бөлімшесінде жатыр. Ауырлық дәрежесі орташа. Толық көлемде ем қабылдап жатыр", - деді Бибігүл Төлегенова.
Еске салайық, осыған дейін Қарағанды облысы Топар кентінде бір отбасының 3 мүшесі сібір жарасын жұқтырғанын жазған болатынбыз. Өкінішке қарай, жансақтау бөлімінде жатқан 75 жастағы науқас көз жұмды.
PISA-2025: Қазақстанның білім көрсеткіші ТМД және әлем елдерімен салыстырғанда қандай?
PISA-2025 зерттеуіне “Цифрлық әлемде оқу” атты жаңа бағыт енгізілген
"1,5 миллион теңге сұрайды": Қазақстандық желі қолданушылары "7-20-25" бойынша үй кезегіне күмән келтірді
Кей азаматтар ипотекалық брокерлер арқылы кезекті жылдамдатуға болатынын, мұндай "қызметтің" құны кемінде 1,5 млн теңгеден басталатынын айтуда