Қаңтар оқиғалары кезінде ғимараттарын қаруымен қоса тастап кеткен ҰҚК басшылары жазаланды
ҚР бас прокуроры Берік Асылов қаңтар оқиғасы кезіндегі құқық қорғау органдарының жекелеген басшыларының әрекетіне құқықтық баға беру туралы айтты. Оның сөзінше, бірнеше қалалардағы полиция департаментінің басшылары өз ғимараттарын қаруымен қоса тастап кеткен. Бұл жөнінде Stan.kz ақпарат агенттігі хабарлайды.
"5 қаңтарда Алматы қаласы, Алматы, Жамбыл және Қызылорда облыстары бойынша ҰҚК-нің екі полиция департаменті мен үш департаментінің басшылары өз ғимараттарынан қаруымен қоса ашық тастап кеткені анықталды. Аталған фактілер бойынша жеті қылмыстық іс қозғалған. Бұл істер бойынша тергеу әрекеттерінің негізі бөліктері аяқталды. Алматы қалалық ҰҚК басшысы Мәжилов қамауға алынды", - деді мәжіліс отырысында сөйлеген бас прокурор.
- Қаңтардағы тәртіпсіздіктер кезінде 230 қазақстандық қаза тапты
- Қаңтардағы тәртіпсіздіктерге 50 мыңнан астам қазақстандық қатысты – Бас прокуратура
- Үтік басқан полицей де бар: Қаңтар оқиғасында ұсталғандарды азаптады деген күдікпен ҰҚК-нің 8 қызметкері мен 1 полицей ұсталды
Оның айтуынша, қазір бұл істерге қатысты басқа тұлғалар бойынша айғақтар жиналып, сарапталып жатыр. Сондай-ақ қорғаныс министрлігінің бұрынғы басшылығының өкілеттігін асыра пайдалану фактісі бойынша тағы бір қылмыстық іс тергелуде.
"Бұрынғы қорғаныс министрлігі қамауға алынды. Тергеу әлі де жалғасуда", - деді Берік Асылов.
Еске салайық, бүгін 14 наурыз күні мәжіліс жиналысында Қазақстанның барлық құқық қорғау органдарының басшылары қайғылы қаңтар оқиғасының тергеу барысы туралы есеп беру үшін жиналды. Олар елімізде орын алған қаңтар оқиғалары туралы жаңа деректерді айтуда.