Италияда ұшақ ғимаратқа соғылып, жарылып кеткен: 8 адам көз жұмды
Италияның Милан қаласында жекеменшік ұшақ кеңсе ғимаратына соғылды, оқиға салдарынан сегіз адам көз жұмды, деп хабарлайды Stan.kz ақпарат агенттігі BBC-ге сілтеме жасап.
Басылым мәліметінше, ғимарат тұрғындардың пайдалануында болмаған.
Ұшақ Миланның Линате әуежайынан Сардиния аралына бет алған. Алайда әуе кемесі қаланың сыртындағы ғимаратқа құлап, жарылып кеткен. Нәтижесінде сегіз адам көз жұмған, олардың арасында бір бала бар.
“Ұшақ қозғалтқыштарын өшіргендей дауыс естідім. Содан кейін қатты жарылыстың дауысы шықты. Терезелер шайқалып кетті, сырттан қара түтін көрінді”, – дейді Джузеппе есімді оқиға куәгері.
Жергілікті басылымдардың мәліметінше, ұшақ бортында Франция азаматтары болған, алайда бұл ақпарат әлі расталмады.
Өрт шыққан ғимарат әлі пайдалануға берілмеген, жаңадан салынып жатқан. Жарылыстан пайда болған өрт көп ұзамай сөндірілген.
Рейхстагқа ту тіккен Рахымжан Қошқарбаев па, әлде тарихи шындық бұрмаланды ма?
“Ақиқат бәрін жеңеді, бірақ 50 жыл кешігіп жүреді" дейді тарихшы Болат Сайлан
"Жалаң қылышпен танктерге қарсы соғысқан": Екінші дүниежүзілік соғыс кезінде жойылып кеткен 106-ншы атты әскери дивизия туралы не білеміз
Дивизия құрамына алынатын жауынгерлерге "оқып-жаза алуы керек және орыс тілін білуі керек" деген талап қойылды