Испания Швейцарияны тізе бүктіріп, ЕУРО-2020-ның жартылай финалына өтті
Испания құрамасы Швейцария футболшыларын 11 метрлік соққылар сериясында жеңіп шықты. Негізгі ойын 1:1 есебімен аяқталған болатын. 77 минуттан бастап швейцариялық команда Ремо Фройлер алаңнан қуылғаннан кейін толық құраммен ойнай алмады. Ал пенальти сериясында испаниялықтар қарсыластарын 3:1 есебімен тізе бүктірді, жеңіс әкелген соңғы соққыны Жерар Морено жасады.
"Еуро-2020 ширек финалында Швейцария құрамасы испаниялықтармен 1:1 есебімен тең түсті. Испания футболшылары швейцариялықтарды пенальтиден 3-1 есебімен жеңіп, 2020 жылғы УЕФА Еуропа чемпионатының жартылай финалына өтті.
Ойынның есебін Испания құрамасы 8-минутта ашты: Хорди Альбаның айып алаңының сыртынан тепкен добы Деннис Закарияға тиіп, артынша қарсыластарының қақпасына тура кірді.
68-минутта швейцариялықтар Джердан Шачиридің арқасында есепті теңестірді. "Қызыл крестер" капитаны Ремо Фрейлерден допты қабылдап, қақпаның төменгі бұрышына дәл тигізді.
Негізгі уақыттың аяқталуына 13 минут қалғанда, швейцариялық Ремо Фрулер Жерар Мореноны шалып құлатқандықтан, алаңнан кетуге мәжбүр болды.
Пенальти сериясында Петковичтың шәкірттері Фабиан Шер, Мануэль Аканджи мен Рубен Варгас қақпаға гол соға алмады. Испания құрамасында Серхио Бускетс пен Родри командаларына ұпай әкелмеді.
Енді:
- Жартылай финалда Испания Бельгия – Италия матчының жеңімпазымен ойнайды.
- Екінші жартылай финалда Украина – Англия жұбының үздігі Чехия – Дания матчында жеңген командамен кездеседі.
