"Интимдік жерімді ұстап, орынсыз әрекет жасады": Алматылық тұрғын шақырған жедел жәрдем фельдшері азғындық жасамақ болғанын айтты

Алматыда тұрғын өзін қарауға келген жедел-жәрдем фельдшерінің азғындық жасамақ болғанын жеткізді. Айтуынша, келген қызметкер ауруды тексеремін деген сылтаумен әйелдің интимдік жерін ұстаған. Бұл туралы Stan.kz ақпарат агенттігі хабарлайды. 

Әйел оқиғасын желіде жазды. 

“Таратуларыңызды сұраймын! Мені жедел жәрдем фельдшері қорлады! 14 мамырда сағат 01:53-те жағдайым нашарлап, жедел жәрдем шақырдым. Келген фельдшер тексеремін деген сылтаумен денемнің интимдік бөліктеріне массаж жасамақ болып, орынсыз әрекеттер жасады”, – деді ол.

Науқастың айтуынша, оқиға болған кезде пәтерде екеуі ғана қалған.

“Фельдшер алдымен ЭКГ жасап, өкпемді тыңдады. Екі екпе салды (бірі көктамыр ішіне, бірі бұлшықетке). Одан кейін жеке әңгіме бастап, қайдан екенімді, қайда жұмыс істейтінім туралы сұрады. Өзімді жайсыз сезінгесін, бұл әңгімені тоқтатып, жігітім бар екенін айттым. Кейін фельдшер аллергиямды асқындырған препараттар туралы сұрады. Арқамдағы ауырсынуға шағымданғанда ол екі бетінен жатуымды сұрап, "бір нәрсені тексеру керек" екенін айтты. 

Ринат арқамды уқалай бастады. Мойнымнан бастап, қолын бүкіл денеме жүгіртті. Белімнің төменгі жағына келгенде ол менен соңғы рет жыныстық қатынаста қашан болғанымды сұрады. Мен бұған екі күн бұрын жауап бердім. Содан кейін ол қолыммен бөксемді уқалай бастады. Содан кейін екі қолымен аяғымның арасына кіріп, жыныс мүшелерімді қатты уқалай бастады. Осыдан кейін төсектен секіріп тұрып, қорқып айғайладым. "Не істеп жатырсың? Неге бұлай істеп жатырсың?" деді. Ол: "Ой, кешір, мен жай ғана массаж жасағым келген" деп жауап берді. Содан кейін маған мысқылдап күлгендей болды”, – деді тұрғын. 

Қорқып тұрған қыз телефонын алуға ұмтылғанда фельдшер оның қолынан тартып алған екен.

"Ол: “Кешір мені, кешір қаласаң мен тізерлеймін” деді. Мен “Телефонымды қайтарыңыз' деп айқайладым. Сонда ол тізерлеп отырып, телефонымды қолында ұстап. Қолдарымды сүйіп, “маған шапалақ бер сонымен кетіп қаламын” деді", - деп қосты ол.

Алматылықтың айтуынша ол қорқып, дереу пәтерден қашып шыққан. Ал фельдшер оны іште ұстауға тырысқан. Дегенмен тұрғын пәтерден қашып, көршілерден көмек сұраған. Ол қазір арыз жазғанын алға тартып, желі қолданушылардан істің қаралуы үшін қолдау сұрады.

“Арыз жазылды. Бірақ Қазақстанда харассмент (жыныстық тиісу) туралы жеке бап жоқ болғандықтан, ол жазасыз қалуы мүмкін. Бұл туралы таратуларыңызды сұраймын”, – деді ол. 

Харассмент туралы ақпарат жарияланғаннан кейін жедел жәрдем қызметі ішкі қызметтік тексеріс жүргізген. Басқарма тексеріс барысында айтылған деректер расталмағанын мәлімдеді. Ал фельдшердің айтуынша, ол науқасқа барлық хаттамаларға сәйкес алғашқы медициналық көмек көрсеткен. Сондай-ақ науқасты ауруханаға жатқызуды ұсынған, алайда ол бас тартқан.

"Жүрек патологиясын жоққа шығару және науқастың шағымдарын ескере отырып, фельдшер электрокардиография (ЭКГ) жүргізді. Тексеруден кейін науқасқа қатысты материал тіркелген емханаға жолданды. Науқастың адекватсыз мінез-құлқына байланысты фельдшер 102 нөмірі арқылы полиция шақыруға мәжбүр болып, тиісті арызды сол жерде жазған", – делінген басқарма хабарламасында.

Басқарма өкілдері сондай-ақ бұл фельдшердің жедел жәрдем қызметінде 6 жылдан астам жұмыс істейтінін, осы уақыт ішінде оған қатысты науқастар тарапынан шағым түспегенін атап өтті. Сонымен қатар фельдшердің отбасылы екені және кішкентай баласы бар екені де айтылды.

“Әлеуметтік желілерде қызға қатысты заңға қайшы әрекеттер туралы ақпарат тарауына байланысты Алматы қаласы Жетісу аудандық полиция басқармасы тексеріс бастады. Тексеру барысында оқиғаның барлық нақты мән-жайы анықталып, іске қатысы бар тұлғалардың әрекетіне құқықтық баға беріледі. Егер айтылған деректер расталса, заңға сәйкес тиісті шаралар қабылданады”, – деп мәлімдеді полиция.

Ведомство өкілдерінің айтуынша, мұндай жағдайлар ерекше бақылауда болады. Себебі әңгіме азаматтардың құқықтары мен жеке басының қол сұғылмаушылығын қорғау туралы болып отыр.