Индонезиядағы жер сілкінісінен қаза тапқандар саны 45-тен асты
Индонезияның Шығыс Нуса Тенгара провинциясында болған 7,7 балдық жер сілкінісі 47 адамның өмірін қиды. Бұл туралы Stan.kz ақпарат агенттігі detiknews басылымына сілтеме жасап хабарлайды.
Ұлттық апаттарды басқару басқармасының Апаттар туралы деректер, ақпарат және коммуникация орталығы басшысының міндетін атқарушы Бертон С.П. Панджайтанның айтуынша, жойқын жер сілкінісінен кейін барлығы 341 афтершок тіркелген.
Оның айтуынша, ең көп өлім Манггарайда (23) және Шығыс Манггарайда (17) болған.
Шенеуніктердің айтуынша, көшкін жолдарды жауып, байланысты үзгеннен кейін құтқару топтары әлі эпицентрге ең жақын аймақ Нагекеоға жете алмады.
1000-нан астам ғимарат зақымданды. Олардың арасында 93 білім беру мекемесі, 36 медициналық мекеме және 38 мемлекеттік мекеме болды.
Табиғи апат 5000-нан астам адамды эвакуациялауға мәжбүр етті.
Таңертеңгі жер сілкінісінен кейін Оңтүстік-Шығыс Азия елінің бірнеше аймағында биіктігі 1 метрден төмен цунами толқындары тіркелді. Билік шамамен үш сағаттан кейін цунами туралы ескертуді алып тастады.
Еске салсақ, Индонезияда қуатты жер сілкінісі болды.
