Huawei Ресейдегі қызметкерлерін Қазақстанға жіберді
Қытайлық Huawei компаниясы Ресейдегі қызметкерлерін Қазақстан, Өзбекстан және ТМД-ның өзге елдеріне жіберді. Бұл туралы Stan.kz ақпарат агенттігі "Ведомости" басылымына сілтеме жасап хабарлайды.
"Қызметкерлердің жартысы – Қытайдағы Huawei компаниясы бөлімшелерінің басшылары мен менеджерлері жыл басында Ресейге жіберілген болатын. Бірақ ақырында өзге ТМД елдеріне жіберілді", – деді басылымның дереккөзі.
Газеттің мәліметінше, олардың көбісі "ұзақ уақыттық іссапарға" жөнелтілген.
Huawei-дің баспасөз қызметі аталған ақпаратқа қатысты пікір білдірмеді. Telecom Daily сараптамалық агенттігінің бас директоры Денис Кусковтың айтуынша, Қазақстанға жіберілген қызметкерлер компанияның тек бұл елдегі емес, барлық ТМД-дағы дамуына жауап береді.
Талқылау