Хромтаулық зейнеткер дүкенге барғанда коронавируспен "ауыратынын" білген
Ақтөбе облысында Ashyq қосымшасындағы қате статусқа қатысты кезекті дау туды. Ешқайда шықпайтын зейнеткер өзінің коронавируспен "ауырып" жүргенін дүкенге барғанда білген. Қарт кісі ШҚО-да тұратын аттасының "Ашықтағы" қызыл статусын қателікпен иеленіп, азық-түлік ала алмаған.
Бұл туралы Stan.kz "Диапазон" басылымына сілтеме жасап хабарлайды.
"Мен зейнеткермін, жұмыс істемеймін. Ешқайда шықпауға тырысамын. Covid-19-бен ауырған емеспін", – деген қарт ана бірер күн бұрын басынан өткен хикаясымен бөлісті.
"Ашық" қосымшасы жұмыс істейтін дүкенге бардым. Ол жерде мені ауру жұқтырған деп көрсетті. Барлығына хабарласа бастадым. СЭҚ-тің нөмірін тауып звондадым. Ондағылар: "Иә, сіз ауырасыз, ШҚО-да тұрасыз, деді. Қайдағы ШҚО? Мен Хромтаудамын, үйімнен шықпаймын! Мұны статистика үшін әдейі істей ме? Дүкенге бару қажет болмаса, "ауырып жүргенімді" білмейді де екенмін.
Ондағы статусты қалай ауыстырамын? Сау екенімді қалай дәлелдеймін", – дейді ашынған Татьяна Клепикова.
"Мүмкін бұл кісі ауру жұқтырған ШҚО тұрғынымен аттас шығар. Біз деректерді ШҚО-ға жібердік, онда әйелдің ЖСН-ін тексеріп, базадан алып тастайды. Егер осындай жағдайға тап болған басқа да адамдар болса, 55-77-37 нөміріне хабарласса болады", – деп хабарлады санэпидбақылау департаментіндегілер.