Головкин-Мурата жекпе-жегі әлемнің 200-ден аса елінде көрсетіледі

Даңқты қазақстандық боксшы Геннадий Головкин 9 сәуір күні жапониялық Риота Муратамен кездеседі. Олар IBF, WBA Super және IBO нұсқалары бойынша орта салмақтағы әлем чемпионы белбеуін сарапқа салады, деп хабарлайды Stan.kz ақпарат агенттігі Sports.kz-ке сілтеме жасап.

Жекпе-жек Жапонияның Сайтам қаласында өтеді. Аталған жекпе-жектің Қазақстандағы көрсетілімі ресми хабарланған жоқ, бірақ "Qazaqstan" арнасының 9 сәуірге арналған телебағдарламасында Нұр-Сұлтан уақыты бойынша сағат 20:00 мен 23:00 аралығында бокс көрсетіледі деп жазылған. Головкиннің шығатын уақыты да сонымен тұспа-тұс келеді.

• Головкиннің суперчемпионмен жекпе-жектен кейін қанша ақша алатыны белгілі болды

• "Мен "Канелоны" екі жекпе-жекте де айқын басымдықпен жеңдім": Головкин кәсіпқой бокс туралы шындықпен бөлісті

Аталған жекпе-жекті DAZN платформасы арқылы әлемнің 200-ден аса ел тұрғындары тамашалай алады (Жапония, Оңтүстік Корея мен Қазақстаннан басқа).