Соңғы жаңалықтар
Соңғы жаңалықтар

"Гарант 24": 6000 қазақстандық алаяқтарға қарсы арыз жазды

Бас прокуратура алаяқтарға сенбеуге шақырады, деп хабарлайды Stan.kz ақпарат агенттігі ҚР Бас прокуратурасының баспасөз қызметіне сілтеме жасап.

гарант

Қазіргі таңда құқық қорғау органдарына "Гарант 24 Ломбард", "ESTATE Ломбард" ЖШС-не және "Нурали Капитал", "Выгодный займ" микрокредиттік ұйымдарының иелері азаматтардың жылжымалы және жылжымайтын мүліктерін, ақшалай қаражаттарын заңсыз иемденіп алу әрекеттеріне қатысты арыздар түсуде. 

Аталған ұйымдармен 42 мың келісім-шартқа отырған 6 мыңнан аса азамат жүгінген. Полиция органдары олардың өтініштері негізінде 22 қылмыстық іс бойынша сотқа дейінгі тергеп-тексеруді бастады. Ломбардтардың 1 менеджері мен 12 филиал директорлары жауапкершілікке тартылуда.  

Тергеудің объективтілігін қамтамасыз ету үшін процессуалдық прокурорлар бекітілген.
Алаяқтар өз мақсаттарына жету үшін түрлі жарнамаларды белсенді түрде қолданғаны, олардың ішінде шоу-бизнес жұлдыздары мен танымал блогерлерді пайдаланғаны анықталды. 

Сотқа дейінгі тергеп-тексеру барысында жарнама жасауды жүзеге асырған және таратқан тұлғалардың жауапкершілігі қарастырылып, олардың әрекеттеріне құқықтық баға берілетін болады.
Бас прокуратура азаматтарға кіріс көзі дәлелденбеген қомақты қаражатқа қол жеткізу туралы уәде ететін күмәнді ұйымдарға өз қаражаттарын сеніп тапсырмауға шақырады.

ҚР Бас прокуратурасының баспасөз қызметі.

Талқылау