Шымкент қаласына жаңа әкім тағайындалды
Президент Қасым-Жомарт Тоқаевтың жарлығымен Ғабит Әбдімажитұлы Сыздықбеков Шымкент қаласының әкімі лауазымына тағайындалды. Бұл туралы Stan.kz ақпарат агенттігі хабарлайды.
Бұған дейін, ҚР премьер-министрінің кеңсесі басшысының бірінші орынбасары қызметін атқарған.
Ғабит Сыздықбеков 1980 жылы Шымкент қаласында дүниеге келген. Қазақ мемлекеттік заң университетін, РФ СІМ Дипломатиялық академиясын бітірген.
Еңбек жолын 2004 жылы ҚР СІМ Мемлекеттік протокол қызметінің атташесі қызметінен бастаған.
2005-2006 жылдары – ҚР СІМ Мемлекеттік протокол қызметінің үшінші хатшысы; ҚР СІМ Еуропа және Америка департаментінің үшінші хатшысы.
2006-2007 жылдары – ҚР СІМ Кеңсесі баспасөз қызметінің үшінші хатшысы; екінші хатшысы.
2007-2011 жылдары – ҚР Парламенті Сенатының аппаратында түрлі лауазымдарды атқарған.
2011-2012 жылдары – ҚР СІМ Азия және Африка департаментінің басқарма басшысы.
2012-2017 жылдары – Франция Республикасындағы Қазақстан Республикасы Елшілігінің кеңесшісі.
2017 жылғы тамызда ҚР СІМ Әкімшілік және бақылау департаментінің кеңесшісі болды.
2017-2019 жылдары – ҚР Парламенті Сенаты төрағасының кеңесшісі; ҚР Парламенті Сенаты Аппаратының Халықаралық қатынастар, қорғаныс және қауіпсіздік комитетімен өзара іс-қимыл бөлімінің меңгерушісі.
2019 жылғы мамырдан бастап қыркүйекке дейін – ҚР СІМ Ерекше тапсырмалар жөніндегі елшісі.
2019 жылғы қыркүйектен бастап қазіргі таңға дейін Қазақстан Республикасының Сербия Республикасындағы Төтенше және Өкілетті елшісі қызметін атқарды.
Айта кетейік, бұған дейін Шымкент қаласы әкімі қызметін Мұрат Әйтенов атқарған болатын.
Мұрат Әйтенов 2020 жылдың 21 қаңтарында Шымкент әкімі болып тағайындалған еді. Ал 2022 жылдың 1 желтоқсанында бұл лауазымға қайта тағайындалған.
Бұған дейін Қазақстан Республикасы Президенті Іс Басқармасының аппарат басшысы, Президент Іс Басқарушысының орынбасары Шымкент қаласы әкімінің бірінші орынбасары лауазымдарында болған.
Еске сала кетейік, бұған дейін Шымкент қаласының әкімі Мұрат Әйтеновтің қызметінен босатылғаны туралы жазған едік.