Финляндияда Ресеймен шекараға қоршау салу ұсынылды
Фин шекара қызметінің басшысы Паси Костамоваара Ресеймен шекарада қоршау салуды ұсынды. Бұған мобилизация жарияланғаннан кейінгі ресейліктердің шекарадан өту ағыны себеп болған, деп хабарлайды Stan.kz ақпарат агенттігі Yle порталына сілтеме жасап.
Паси Костамоваара шекраға қоршау салудың ең тиімді шешім екенін ескертті. Сөзінше бұл арқылы тек бақылау қызметі ғана емес, сонымен қатар қауіпсіздік жұмыстары да арта түспек.
"Қоршау шекарадағы бақылауды қазіргі жағдайда да, тәртіпсіздік жағдайында да тиімді етеді", - деді Костамоваара.
Оның пікірінше, Кремль азаматтардың Ресейден шығуына шектеу қойса, Финляндия шекарасында заңсыз өту әрекеттері жиілеуі мүмкін.
"Мұндай жағдайда физикалық қарсылық қажет болуы мүмкін", - деп атап өтті шекара қызметінің басшысы.
"Қолымнан айырылып қалу алдында тұрмын": МӘМС арқылы уақытылы көмек ала алмаған қазақстандық ота кезегінің ұзаққа созылғанына наразы
"Жарты жылдан астам уақыттан бері ізімнен қалар емес": Сталкингтің қауіпті белгілері және одан қалай қорғануға болады?
Психолог сталкерлердің бастапқыда байқалмайтын белгілерін атады