"Еврейдің қаны бар": Жәния Джуринская тегіне қатысты шындықты айтты
Жәния Джуринская шыққан тегіне қатысты шындықты айтты. Актриса бойында еврейдің қаны бар екенін растады, деп хабарлайды Stan.kz.
Джуринскаяның фамилиясына қатысты сұрақ актрисаға жиі жолданады. Бұған дейін Жәния оны былай деп түсіндірген болатын:
"Әжемнің ұлты – әзербайжан. Әкем үйдің үлкені болғандықтан, әжем оны бала сүйе алмаған әпкесіне берген. Ал ол өз кезегінде әкеме өзінің тегін берген".
Ал күні кеше Жәния Instagram Stories-те әжесінің еврейден тарағанын мәлімдеді.
"Әжем әкесінің еврей екенін жасырып келген. Бірақ біз біліп қойдық. Әкесі – еврей, анасы – әзірбайжан", – деп ағынан жарылды ол.
Жәния артық салмақ тастағысы келетін аруларға дұрыс тамақтану мен интервалды ашығу режимін ұстануға кеңес берді.
"Өзім сағат 13:00-19:00 аралығында тамақ жеймін. Арасында тәтті жеуге өзіме рұқсат беремін", – деді ол.
Джуринская карантин кезінде киім дүкенін жабуға мәжбүр болғанын жеткізді. Сөзіне қарағанда, шектеулік шаралардың кесірінен, олар тек аренданы төлеуге жұмыс істеген.
"Ал онлайнға ауысқаннан кейін, барлығы керемет бола түсті", – деді Джуринская.