Еревандағы сауда орталығында жарылыс болды: 51 адам зардап шекті (видео)
Арменияның астанасы Еревандағы сауда орталықтарының бірінде жойқын жарылыс болып, 51 адам зардап шекті. Тағы бір адам қаза болды, деп хабарлайды Stan.kz ақпарат агенттігі РИА Новости порталына сілтеме жасап.
Алғашында жарылыс салдарынан зардап шеккен 20 адам жайлы айтылған еді. Алайда кейіннен елдің денсаулық сақтау министрлігі олардың саны 51-ге жеткенін мәлім етті. Зардап шеккендердің арасында өрт сөндірушілер де бар.
Sputnik Арменияның хабарлауынша, сауда орталығына құтқарушылардың сегіз жауынгерлік бригадасы мен жедел жәрдем келген.
Куәгерлердің айтуынша, әуелі қатты жарылыс болған, кейіннен тағы да жарылыс дауыстары естілген. Олар қазіргі таңда отшашулардың жанып жатқанын айтады.
Жергілікті басылымдар үйінді астында адамдардың қалуы мүмкін екенін жазады.
Алматылықтар тұмшаға тұншығып жатқанын айтып, дабыл қақты: Қай ауданның тұрғындары қауіпті аймақта орналасқан
Almaty Air Initiative: "Қолайсыз ауа райы кезінде ластаушы заттар ауада дұрыс таралмай, қала үстінде жиналып қалады"
“Ішім созылып, әбіржігім келмейді": Қазақстандық қыздар неге бала туудан бас тартып жатыр
Қазақстанда бес жылда туған балалар саны 25 пайызға азайған