Ер азамат ұмытшақтығының салдарынан қомақты жүлдеден айрылып қала жаздады
АҚШ-тың Солтүстік Каолина штатының тұрғыны жүз мың долларлық ұтыс алып келген лотерея билетін ұмытып кеткен, деп хабарлайды Stan.kz ақпарат агенттігі.
Альберт Белк есімді америкалық Cash 5 лотерея билетін сатып алып, оны жүк көлігінің орындығына ұмытып кетіпті. COVID-19 пандемиясына байланысты ол үйінен шықпай, көлігін мүлдем пайдаланбаған. Ал оның лотерея билеті 30 сәуір күні ойнатылған көрінеді .
Екі апта өткен соң ол тағы бір рет лотерея ойнамақшы болып, билет сатып алыпты. Тек сонда ғана ол көлігінде тексерілмей қалып қойған бірінші билетті байқаған. Автомат арқылы алғашқы билетін тексерген ол 468 мың долларлық ұтысқа кенелгенін анықтаған.
Жолы болған азамат ұтысын 26 мамыр күні иеленген. Сөзінше, бұл қаражатқа ол әйеліне бағалы 2018 жылғы Cadillac CT6 автокөлігін сатып алып беріп, үйіне жөндеу жұмыстарын жасатпақшы. Ал қалған ақшаны ер адам құртпай, алдағы уақытта сақтап қоятынын жеткізіпті.
"Жиырмадан асқан жігіттер қырындайды": Қызының қатарласындай жас көрінетін 40 жастағы қазақстандық әйел желі жұлдызына айналды
