Соңғы жаңалықтар
Соңғы жаңалықтар

"Енді әнші болмайсың": Бибігүл Төлегенова жас кезінде дауысынан айырылып қала жаздағанын баяндады

Күні кеше өзінің 90 жас мерейтойын атап, елбасының қолынан бриллиант сағат таққан КСРО Халық әртісі, бұлбұл әнші Бибігүл Төлегенова Астана телеарнасындағы "Оңай емес" бағдарламасына сұхбат беріп, бұрын-соңды айтпаған сырларымен бөлісті. Әнші балалық шағы өте қиын болғанын, зұлмат соғысқа тап келгенін, әкесінен тым ерте айырылғанын айтып көзіне жас алды. 

"Кейде ойлаймын, Құдай-ау, қалай тірі қалғанбыз андай өмірден деп", - дейді әнші.

11 жасында қара жұмыс істегенін айтқан әнші балалық шағы қиын болғанын жасырмады. Дарыны анасынан дарыған екен.

"Қазіргі балаларды, Құдайға шүкір, бізге қарағанда, періштедей асыраймыз. Отан соғысында басқалары қиындық көрсе, біз екі есе қиындық көрдік. Репрессияланған адамның баласы болғасын. Жейтін тамақ жоқ. Үсіп кеткен картоп, капустаны жинап, үйге әкелетінбіз. Анамыз суық суға жібітіп, пісіретін", - деген әнші бала кезінде тіпті қаншалықты қиындық басқа түскенін сезінбегендерін айтады.

Алматыға 1948 жылы келген әнші 18 жасында консерваторияға түседі.

"Анам сен Алматыға барғанда байға тиіп, бала туып отырасың, сабақ оқымайсың деп ұрысты. Бибінұр деген апам менен бір жас үлкен, сен бара бер, бірдеңе ғып күн көрерміз деп жіберді. Анам мал фермасында жұмыс істеп, бруцеллез жұқтырып, қол-аяғы ісіп, жұмыс істей алмай қалды. Жұмыс істейтін жалғыз мен едім. Апам техникумда оқиды. Алматыға келгенде ешкімді білмеймін, мені ешкім танымайды, топырағы торқа болсын, Ахмет Жұбанов қатты көмектесті. Мені 7 класс біліммен консерваторияға қабылдады. Әннен жоғары балл алдым, басқасынан төмен", - деп Алматыдағы алғашқы жылдарын еске түсірді әнші.

Әнші алғашқы оқуға түскен жылдары дауысына шамадан тыс салмақ түсіп, Құдайдың берген дарынынан айырылып қала жаздағанын айтады.

"Мен келе сала, әрине, күйеуге шықтым, анам айтқандай, бала тудым арасында. Бірақ та мен тырысып оқыдым, бір жылдан кейін дауысыма зақым келе бастады. Кәсіби әншілерге аяғы ауыр болғанда 5-6 айдан бастап ән айтуға болмайды екен, дауысқа зақым келеді. Мен оны білмегем. Содан директордың кабинетіне шақыртты, Ахмет Қуанұлы отыр (Жұбанов - ред.), директор, тағы бір кісілер, бірдеңе талқылап жатыр. Содан директор айтады, нағыз әнші болу үшін бала да тумау керек, күйеуге де шықпау керек. Әне сен дауысыңды құрттың, енді әнші болмайсың деп. Мен: "Арсений Константинович, я вам докажу, что советская женщина имеет право и работать, и образование получать, и рожать" деп орысша айттым да, шығып кеттім. Содан көп ұзамай басқа ұстаз келді, ол мені танимын деп, бірақ ән салғанда танымай қалды дауысымды. Барлығын түсіндіріп айттым. Күш түскенін түсінеді, вокалдық диета қажет екенін айтты. Ақырын салмақ салмай, дауысын қалпына келтіру керек деді. Екінші курста қайтадан көтердім, ұстазым маған қолдау көрсетіп, мүлдем ән айтқызбады. Содан оқу бітірдім, театрға жұмысқа тұрдым", - деп бөлісті әнші.

16 желтоқсанда 90 жасқа келген бұлбұл әнші өзінің жасы үшін денсаулығы жақсы екенін айтады.

Талқылау
Пікір
Соңғы ЖАҢАЛЫҚТАР

"Скотч байлап қойған": Bek Air компаниясына қатысты сұмдық ақпараттар жария болды

Ең басты туындайтын сауал – осыншама қателік бола тұра, ұшу сертификаты қалай берілген?

"Басы ісіп, көздері шарасынан шығып кетейін деп тұрды": Сарыағашта 9 жасар бала соқырішекке жасалған отадан көзі көрмей, тілсіз қалған

Бас дәрігердің орынбасары кінә әріптестерінен екенін жасырмайды

Елімізде кинотеатрлар қатары артып, алыс аудандарда де кино көрсететін орындар ашылуы мүмкін

Еліміз бен әлемдік прокатқа шыққан туындыларды шалғай елдімекен тұрғындарының тамашалауына мүмкіндік тумақ

СІМ қазақстандық кәсіпкердің Испанияда қайтыс болу себебі түсіндірді

Марқұмның денесі екі-үш күнде жеткізіледі

Денсаулық сақтау министрлігі қытайлық вирустың Қазақстанда тарағаны туралы хабарламаған жауап берді

Департамент біздің елде мұндай инфекцияның тіркелмегенін атап өтті

Алматы облысында қыз алып қашқан 4 жігіт сотта жауап берді

Жастарға 7 жылға бас бостандығынан айыру жазасы берілді

Үкімет тұрғын үй сатып алу үшін зейнетақы жинақтарының мөлшерін қайта есептейді

Президент жұмыс тобының ұсыныстарын қабылдады

Қытайдың Ухань қаласында қалған қазақстандық студенттерді елге эвакуацияламайды

230 студенттің жартысы Қазақстанға келіп үлгерді

Скляр: Bek Air жолаушылардың ақшасын қайтаруы тиіс

Роман Скляр: Мүлкін сата ма, басқа істей ме, ақша қайтарылу керек

Ер адам зираттан кездейсоқ өз қабірін тауып алды

Хэттель құлпытасты оның ескерусіз салынғанын айтты
Çàãðóçêà...