Елжан Біртановқа қоғам белсенділері мен дәрігерлер араша түсті
Қазақстандық дәрігерлер мен қоғам қайраткерлері Елжан Біртанов үшін арашаға түсті. Беделді дәрігерлер бұрынғы денсаулық сақтау министрін босатуды талап ететін ашық хат жазды. Әріптесін қолдағандардың ішінде бүкіл елге танымал профессорлар Ақшолақов, Пя, Локшин, Байгенжин және Шарман бар. Бұл туралы Stan.kz ақпарат агенттігі КТК арнасына сілтеп хабарлайды.
"Дәрігерлер мен азаматтық қоғам сенген өнегелі дәрігер, тамаша көшбасшы сыбайлас жемқорлыққа шатылды дегенге сену мүмкін емес. Өйткені министр-саланы дамыту стратегиясына, саяси шешімдер қабылдауға жауапты лауазымды шенеунік мемлекеттің ақшасын жымқырып қалуы мүмкін бе? Бұл оның функциясы емес!", - делінген ашық хатта.
- "Ауыр ақпарат": Денсаулық сақтау министрлігі Біртановтың ұсталғанына қатысты түсініктеме берді
- Тоқаев коронавирустың өршуіне бұрынғы денсаулық сақтау министрін кінәлі деп тапты
Ашық хатта қазақстандық медицинаның қаймақтары Біртановты денсаулық сақтау министрлігіндегі ең білікті маманның бірі еді дейді. Оның сіңірген еңбегіне міндетті әлеуметтік сақтандырудың енгізілген жүйесі, медицина қызметкерлерінің жалақысын ұлғайту, шетелдік инвестицияларды тарту жатады.
"Экс-министр тартылған істі кәсіби және бейтарап тергеуге үміттенеміз және сыртқы байланыстарды шектеумен шектеліп, оны жақын адамдарынан оқшауламау мүмкіндігін қарастыруды сұраймыз. Біз сенімді ақпараттың нәтижесін алу үшін барынша көп жұмыс жасайтынына сенімдіміз", - делінген ашық хатта.
Еске салсақ, қазір денсаулық сақтау министрлігінің бұрынғы басшысы қамауға алынды. Аса ірі көлемде ақша жымқырды деген күдікке ілінді.