Диабет, семіздік, алопация сынды аурулардың қазір балалар арасында дендеп бара жатқаны үйреншікті жағдайға айналды. Тағы бір алаңдатарлық жағдай - олардың қатарына түрлі тері аурулары мен шаштың ағаруы да қосылды дейді мамандар.

"Қазір тері бұзылыстарымен келеді, ақ дақтар, шаштарының түсуі, ағаруы жиі келеді. Қазіргі таңда 50-60 процентке артты, келіп жатқан науқастардың саны да артты", - деді педиатр-дәрігер Сымбат Мұратова.

Эндокринологтер да мұндай жағдайлардың балалар арасында жиі кездесетенін растайды. Ең сорақысы, әлгі алопеция 1,5 жасар сәбиде де кездессе, ақ шаш 5-6 жастағы балаларда байқалуда.

"Ең жас 1,5 жас баланың шашы ошақ болып түсіп қалады. Қүрамында қанты көп сусындар ішеді. 6-7, 14 жаста шаштары ағарады. Минералдар дәрумендер біткен кезде біздің шаш ағара бастайды", - деді эндокринолог Гүлжан Аманбай.

Бір қасық қанттың өзі имунитетті 4 сағатқа төмендетеді екен. Мәселен, дүниежүзілік денсаулық сақтау ұйымының дерегінше, бүгінгі таңда мектепке дейінгі балалардың тең жартысы анемияға шалдыққан. Ал оның салдары жетерлік.

"Егер де бала күніне тәтті сусын, печенье, торт, ақ нан, күріш көп жейтін болса, қант көбейеді, микрофролар өліп қалады. Олар жойылса, дәрумендер жетіспейді. Ол анемияға алып келеді", - деді эндакринолог Гүлжан Аманбай.

Трихологтер шаштың ағару процесі 30-40 жастағыларға қалыпты жағдай дейді. Алайда балаларда ерте пайда болуы тұқым қуалаушылық пен дәрумендердің жоқтығымен байланысты.

"Негізі генетикалық жағдайда жиі кездеседі. Сондай-ақ, микро-макра элементтердің жетіспеуі де әсер етеді. Одан бөлек, сыртқы факторлардың да ықпалы бар. Ал кішкентай балаларда ақ шаштың кездесу нормадан тыс болып саналады. Қазіргі балалар дұрыс тамақтанбайды және де көкөністер мен жеміс-жидектерді жегенді ұнатпайды. Салдарынан ағзада дәрумендер тапшылығы пайда болады", - деді трихолог дәрігер Анар Әйтенова.

Дәрігерлер дұрыс тамақтану, спорт және уақтылы ұйықтау келешек ұрпақтың денсаулығын анықтайтын негізгі факторлардың бірі екенін әрбі ата-ана білуі тиіс дейді.

Талқылау