Елімізде Парламент таратыла ма? Мәжіліс спикері жауап берді
Парламент Мәжілісінің төрағасы Ерлан Қошанов баспасөз алаңда БАҚ өкілдерінің сауалдарына жауап бере отырып, Парламентті тарату мәселесі талқыланып жатпағанын мәлім етті, деп хабарлайды Stan.kz ақпарат агенттігі.
"Әзірге ондай мәселе талқыланып жатқан жоқ. Бірақ мен Президент саяси реформаларды жариялағанын айта аламын. Біз тиісті конституциялық және өзге де заңдарды жыл соңына дейін қабылдауымыз керек. Әзірге ондай мәселені талқылаған жоқпыз", - деді Мәжіліс төрағасы.
Мәжіліс спикері өзі төрағалық ететін "Amanat" партиясының саяси науқандарға дайын екенін де айтты.
"Кез келген партия саяси күреске дайын жүруі керек. Ертең сайлау жарияланса, әрине, біздің партия дайын", – деді Ерлан Қошанов.
Айта кетейік, бұған дейін Ерлан Қошанов AMANAT партиясы атынан президент сайлауына қатысу туралы сауалға жауап берген еді.
Әл-Фараби атындағы Қазақ ұлттық университеті бір киіз үйді 13,5 миллион теңгеге сатып алған
Алайда дәл осы кезеңде Қазақстанның басқа өңірлерінде киіз үйлер әлдеқайда төмен бағамен сатып алынып жатыр
"Сап-сау баламды мүгедек қылып алдым": Қазақстандық әйелдің көзінше баласы азелит ішіп, өңешін күйдіріп алған
Бүгінде баланың асқазанына гастростома қойылған, өздігінен тамақтана алмай қалғанда ас тікелей асқазанға стома арқылы енгізіледі