"Кегін қайтарды": Елена Рыбакина WTA 1000 турнирінің чемпионы атанды (видео)
Қазақстанның бірінші ракеткасы Елена Рыбакина АҚШ-тың Индиан-Уэллс қаласында өткен WTA 1000 турнирінің чемпионы атанды деп хабарлайды Stan.kz ақпарат агенттігі.
Қазақстандық теннисші финалда әлемнің 2-ракеткасы, Беларусь өкілі Арина Соболенкомен кездесті. Ойын 2 сағаттан астам уақытқа созылып, екі сет қорытындысы бойынша 7:6 (13:11), 6:4 есебімен жеңіске жетті.
Матч кезінде Елена 7 эйс жасап, 10 брейк-пойнттың үшеуін пайдаланды. Ал Соболенко 4 эйс, 2 брейкпен (6 брейк-пойнт) шектелді.
Еске салайық, Аустралияның ашық чемпионатының финалында отандасымыз Арина Соболенкоға есе жіберген еді.
“Рыбакина кегін қайтарды! Елена Соболенконы Индиан-Уэллсте 7:6, 6:4 есебімен жетіп, өз мансабында алғаш рет WTA 1000 титулына ие болды”, – деді WTA турнирінің комментаторы.
Сондай-ақ Елена Рыбакина өз спорттық жолында алғаш рет әлемдік рейтингіде 7-орынға көтеріледі.
Талқылау
Қазақстандық көпбалалы ана "Асар Уме" қайырымдылық қорын апатты үй берді деп айыптады
Екінші топ оқырмандар көпбалалы ананың қанағатсыздығын сынады
"70 күннен аса жүрдік": Қытайдан Астанаға атпен жолға шыққан жас жұбайлар көпшіліктің ықыласына бөленді
Бүгінде күллі қазақ жұрты оларды желіде бақылап, біразы алдынан күтіп, қонақ етіп жатыр