Елдер арасындағы шекара мәселесі тек бейбіт жолмен шешілуі тиіс - Тоқаев
Қазақстан президенті Қасым-Жомарт Тоқаев елдер арасындағы шекара мәселесі тек бейбіт жолмен шешілуі тиіс екенін айтты, деп хабарлайды Stan.kz ақпарат агенттігі.
"Тұрақсыздыққа алып келетін тағы бір фактор – өңірдегі жекелеген елдер арасындағы шекара мәселесінің реттелмеуі. Шекара проблемасы ғасырлар бойы қалыптасқан достық, өзара сенім және тату көршілік негізінде, сондай-ақ халықаралық құқық пен БҰҰ Жарғысының қағидаттарын мүлтіксіз сақтау арқылы тек бейбіт жолмен шешілуге тиіс", - деді Тоқаев жұма күні өткен "Орталық Азия – Ресей" саммитінде.
- "Сіздің қалауыңыз осы ғой?": Тоқаев өзіне сын айтқан Лукашенконы сөзбен "түйреп" өтті
- 2023 жыл ТМД-да орыс тілі жылы болып жарияланбақ
Президент жаңа қауіптердің алдын алудың және оларға дер кезінде ден қоюдың тиімді құралдарын әзірлеу қажет деп есептейтінін жеткізген.
"Біз халықтарымызды араздауға бағытталған кез келген әрекетке қарсы тұра білуіміз керек. Тарихи-мәдени құндылықтарымыздың мызғымастығын қамтамасыз ететін бірлескен шаралар кешенін дер кезінде қабылдауға тиіспіз. Біздің елдеріміздің жастары арасындағы байланысты нығайту, білім беру саласындағы ынтымақтастықты кеңейту кезек күттірмейтін міндет", - деп атап өтті мемлекет басшысы.