Елбасы тасқыннан зардап шеккен аймақтарды бақылауына алды
Елбасы Нұрсұлтан Назарбаев су тасқынынан зардап шеккен аймақтарды бақылауына алды. Ол Ішкі істер министрі Қалмұханбет Қасымовты қабылдап, бірқатар тапсырмалар берді.
Бұл туралы Ақорданың баспасөз қызметі хабарлады.
Қ.Қасымов су тасқынына байланысты ахуал және Астана мен республика облыстарында төтенше жағдайдың алдын алу бағытында атқарылып жатқан іс-шаралар жайлы хабардар етті.
Нұрсұлтан Назарбаев елдегі қылмыспен күресті күшейту және құқықтық тәртіпті қамтамасыз ету үшін шаралар қабылдау қажеттігіне назар аударды.
Сондай-ақ, елбасы су тасқынынан зардап шеккен барлық өңірлердің жағдайы мен тіршілігін қалпына келтіру үшін кешенді іс-қимылдарды жүзеге асыруды тапсырды. Кездесу қорытындысы бойынша мемлекет басшысы бірқатар нақты тапсырма берді.
Жіберіп алмаңыз:
Әкім Сапарбаев резеңке етікпен су басқан ауылдарды шолып шықты (фото)
Арыстанбек Мұхамедиұлының есебін тыңдаған министрлер күліп жіберді (видео)
Владимир Божко: Төтенше жағдай басшылығынан кеткелі бері ұйқым тыныш