Соңғы жаңалықтар
Соңғы жаңалықтар

Елбасы: Адамдардың көңіл-күйі жақсы, өздерін қауіпсіз сезінеді

Елбасы Астана күніне арналған салтанатты қабылдауға қатысты. Мемлекет басшысы барша жұртты Астана күнімен құттықтап, 19 жыл ішінде еліміздің бас қаласы жоғары қарқынмен дамығанын атап өтті.

edd8382fdda9997e616b6827fef919cf

Бұл туралы Ақорданың баспасөз қызметі хабарлады.

«Астана – ғажап қала. Кеше кешке қарай қаланы аралап шықтым. Кешкі мезгілге қарамастан, көшеде қыдырып жүрген көптеген адамды көрдім. Бұл көп нәрсені аңғартады. Адамдардың көңіл-күйі жақсы, өздерін қауіпсіз сезінеді. Сонау ерте заманда «Қала қабырғасымен емес, адамдарымен көрікті» деген сөз айтылған», – деді Қазақстан президенті.

Нұрсұлтан Назарбаев Астананың бүгінгі даму ырғағы бүкіл еліміздің жаңаруына серпін беретінін айтты.

«Біз экономикада, саясатта және мәдениетте ауқымды жаңғыруды іске асырып келеміз. Сол жұмыстың нәтижесі елімізді дамытуға арналған. Дамуымыздың басында әрдайым Астана тұрады. Біз мұнда түрлі мәселені, соның ішінде әлемнің әр түкпірінде бейбітшілік орнату мәселесін де шешіп келеміз. Біздің бейбіт, тату көршілік және инвестиция тарту жөніндегі саясатымыз әрбір Қазақстан азаматы үшін қолайлы жағдай жасауға бағытталған», – деді елбасы.

Сондай-ақ, Қазақстан президенті «ЭКСПО-2017» халықаралық көрмесін өткізудің маңыздылығын және оның қаламыз бен елімізді одан әрі дамытудағы рөлін атап өтті.

«Қазір Қазақстан «ЭКСПО-2017» көрмесінің арқасында халықаралық қоғамдастық назарын өзіне аудартып отыр. Қонақтарымыз Астанаға тамсана қарайды. Біз – ғасырлар тоғысында жаңа мегаполис салған бірден-бір мемлекетпіз. Бүгінде Астана жылына ел бюджетіне триллион теңге құйып келеді. Бұл орайда, барлық кірістің 65 пайызы шағын және орта бизнестен түсіп отыр. Бәріміз бас қаламыздың қалыптасуының куәгері болдық», – деді Нұрсұлтан Назарбаев.

Соңында елбасы барша қазақстандықтарды елорда күнімен тағы да құттықтап, бақ-береке және жаңа табыстарға жетуге тілектестік білдірді, сондай-ақ Астананы салуға атсалысқан азаматтарға алғыс айтты.

Жіберіп алмаңыз:

Елбасы Астананың көрнекті жерлерін аралап, халықпен тілдесті (фото)

Елбасы АҚШ президенті Дональд Трамптан құттықтау алды

Ел президенті Нұрсұлтан Назарбаевтың ұшағы ең қымбат лайнерлер тізіміне кірді

Назарбаев Түркия мен Ресейдің арасындағы алауыздықты қалай жойды?

Талқылау