Соңғы жаңалықтар
Соңғы жаңалықтар

Түнгі клубқа барамын деп комаға түскен павлодарлық азамат көз жұмды

Түнгі клубқа барғаннан кейін комаға түскен Павлодар тұрғыны көз жұмды. Облыстық денсаулық сақтау басқармасы баланың алған жарақаттары ауыр болғанын хабарлады. Сонымен қатар Павлодар тұрғынында коронавирустық сынақ расталды, деп хабарлайды  Stan.kz ақпарат агенттігі.

Павлодарлық дәрігерлер 24 жасар Әлішер Советханның өмірі үшін екі аптадан астам уақыт күрескен. Осы уақыт ішінде жас жігіттің жағдайы ауыр болды, ал анықталған инфекция жағдайды қиындатты.

"Өкінішке қарай, 14 маусымда таңертең Әлішер Советхан қайтыс болды. Оның көзі тірісінде коронавирустық инфекция расталды. Сот-медициналық сараптама тағайындалды", – деп хабарлады Павлодар облысының денсаулық сақтау басқармасы.

Жігіттің туыстары оны аурухана қабырғасында COVID-19 жұқтырды деп санайды. Туыстарының айтуынша, 28 мамырда ауруханаға жатқызу кезінде коронавирустық инфекцияның нәтижесі теріс болған. Алайда 6 маусымда отбасына жас жігіттің вирус жұқтырғаны және оның өкпесінің жартысына жуығы зардап шеккені туралы хабарланды.

Сонымен қатар полиция Павлодардың түнгі барында болған оқиғаға қатысты сотқа дейінгі тергеуді ауыр бапқа жатқызды.

"Аталған факт бойынша Қылмыстық кодекстің "Денсаулыққа қасақана ауыр зиян келтіру" бабының 1-бөлігіне сәйкес сотқа дейінгі тергеу жүргізілді", – деп түсіндірді Павлодар облыстық полиция департаментінің баспасөз қызметінде.

Бұған дейін тәртіп сақшылары оқиғаның барлық қатысушылары анықталғанын, мән-жайлары мен себептері анықталып жатқанын хабарлаған.

Естеріңізге сала кетейік, Әлішер Советхан 27 мамырдан 28 мамырға қараған түні ауруханаға жеткізілді. Жәбірленушінің туыстары түнгі клубта не болғанын білмейді, бірақ олар оны ұрып-соққан деп болжайды. Жас жігіт көптеген жарақаттар алды, соның ішінде бас сүйегі, қабырғалары, жамбас сүйектері сынып комаға түскен.

Павлодар қаласының қайтыс болған тұрғынының артында әйелі мен екі жасар ұлы қалды.

Талқылау