Едіге Қасымбек еркін күрестен U20 әлем чемпионы атанды
Фото: UWW
Қазақстан құрамасы еркін күрестен жастар арасындағы әлем чемпионатында алтын медаль иеленді. Бұл туралы Stan.kz ақпарат агенттігі хабарлайды.
Жарыс Болгарияның Самоков қаласында өтіп жатыр.
125 келіге дейінгі салмақ дәрежесінде Едіге Қасымбек қарсыластарына дес бермей, әлем чемпионы атанды. Финалда ол ирандық Абольфазл Мохаммад Нежадты 4:1 есебімен жеңді.
Айта кетейік, отандасымыз турнирдің 1/8 финалында моңғолиялық Нарантулга Дармаабазарды 15:12 есебімен жеңді.
Ширек финалда ол оңтүстіккореялық Байджун Джангты 6:0 есебімен тізе бүктірді. Ал жартылай финалда америкалық Коул Мирасоланы айқын басымдықпен ұтып, белдесу мерзімінен бұрын 11:0 есебімен аяқталды.
Сонымен қатар, әлем чемпионатын Досжан Құлғайып (74 кг) пен Самир Дұрсынов (97 кг) қола медальмен аяқтады.
Бұған дейін, Едіге Қасымбектің жартылай финалдық белдесуі жайлы хабарлаған едік.
Қазақстандық сызылған пауэрбанкіне байланысты ұшаққа отыру кезінде қиындыққа тап болды
Әуежай өкілі: "Құрылғының бұған дейін әуе көлігімен бірнеше рет тасымалдануы қауіпсіз екеніне кепілдік бермейді"
Жамбыл облысында ер адам аяғы ауыр әйелін үйден рұқсатсыз шыққаны үшін ұрып тастаған
Ер адам әйелін үйден рұқсатсыз шыққаны үшін ұрып-соққан