Дмитрий Медведев батыс елдеріне ядролық соғысқа байланысты ескерту жасады
Ресей Қауіпсіздің кеңесі басшысының орынбасары Дмитрий Медведев батыс елдеріне ескерту жасап, Украина қару жіберудің НАТО мен Ресей арасындағы қақтығысқа әкеп соғуы мүмкін екенін айтты. Сөзінше, мұндай жанжал ядролық соғысқа себеп болуы мүмкін, деп хабарлайды Stan.kz ақпарат агенттігі.
"Украинаны НАТО мемлекеттерінің қарумен қамтамасыз етуі, батыс елдерінің техникасын пайдалануға үйретуі, баскесерлерді жіберуі және ұйым елдерінің біздің шекарада оқу-жаттығу өткізуі НАТО мен Ресей арасындағы ашық және тікелей қақтығысқа әкеп соғуы ықтималдығы жоғары", – деп жазды ол өз Telegram-арнасында.
Сөзінше, мұндай жанжалдың соңы толыққанды ядролық соғысқа әкеп соғу қауіпі бар. Сонымен қатар ол батыс елдеріне "өздеріне және өзгелерге өтірік айтуды доғаруға" кеңес берді.
"Өз әрекетінің ықтимал салдары туралы ойлану керек. Әрі русофобтық көзқарастың ұстамасы кезінде өз сілекейіне тұншығып қалмау қажет", – деп жазды ол.
Айта кетейік, бұған дейін Владимир Путин Украина жеріне басып кірудің "жалғыз дұрыс шешім болғанын" айтқан еді.
"Жоғары жалақы, тегін үй мен тамақ, соңғы үлгідегі MacBook": Италиядағы халықаралық мектепте сабақ беретін қазақстандық ұстаздық жұмысы жайлы айтты
Нұржігіт: "Ата-аналар чаты жоқ, олар ұстазбен сөйлескісі келсе, арнайы қабылдауына жазылады"
"Ауырып қалса, біз жауаптымыз": Қазақстандық мұғалімдер оқушылардың ауыз бекітуіне қарсы шықты
Ал педиатр оқушының ағзасы дамып жатқан ағза, оған су, ақуыз, көмірсу мен май жеткілікті болуы керек дейді