Дмитрий Малахов Қазақстанның қаржы мониторингі агенттігін басқаратын болды
Дмитрий Малахов Қазақстанның қаржы мониторингі агенттігінің төрағасы болып тағайындалды. Бұл туралы Stan.kz ақпарат агенттігі Ақорда таратқан ақпаратқа сүйеніп хабарлайды.
Фото ашық дереккөзден алынды
“Мемлекет басшысының жарлығымен Дмитрий Михайлович Малахов Қазақстан Республикасы Қаржы мониторингі агенттігінің төрағасы болып тағайындалды, ол бұрынғы атқарған лауазымынан босатылды”, – делінген сейсенбіде тараған ақпаратта.
- Балаларға ақша аударылғаннан кейін ұлттық қорда қанша қаражат қалды – Ұлттық банк өкілі жауап берді
- Қазақстанда министрліктер 20 млрд теңгені игере алмаған
Малахов 2023 жылдың қазан айынан бері қаржы мониторингі агенттігі төрағасының орынбасары, оған дейін, 2022 жылдың наурыз айынан бастап сыбайлас жемқорлыққа қарсы қызмет төрағасының бірінші орынбасары болған. Ал одан бұрын 2020 жылдың қыркүйегінен бастап сыбайлас жемқорлыққа қарсы іс-қимыл агенттігі төрағасының орынбасары қызметін атқарған.
Бұған дейін президент Қасым-Жомарт Тоқаев мемлекеттік күзет қызметі бастығының орынбасары – президенттің күзет қызметі бастығын тағайындаған еді.
Талқылау
Қоғам белсендісі Алматы көшелеріндегі бұрынғы брусчатканың жеке қолға сатылып жатқанын әшкереледі: Алайда әкімдік олардың мұқтаж отбасыға берілгенін айтып отыр
Санжар Боқаевтың айтуынша, әкелінген брусчатка мүлде бүлінбеген, тіпті жаңа күйінде болған
"Қайыққа міну құны 15 мың, сайтта 5 мың теңге": Көлсай көлдерінде қызмет құны неге ресми бағадан жоғары
Министрлік Көлсайда көрсетілетін қызметтің бағаларын реттемейді екен