Діни басқарма Алматыда 5000 теңгеге бола шешінген жастарды айыптады
Алматыда Мұхаммед (с.ғ.с) пайғамбардың туған айының құрметіне Мәуліт мерекесі атап өтілді. Қазақстан мұсылмандары діни басқармасы мұрындық болып өткізген кеште біршама игі істер көрсетілді.
Бұл туралы ҚМБД баспасөз қызметі хабарлайды.
Алматы қаласында Алғабас мешітінің ұйымдастыруымен қаламыздағы Арзан сауда орталығында “Мәуліт” кеші атап өтілді. Ауданның Бас имамы және Алғабас мешітінің Бас имамының құттықтауымен басталған кеш әр-түрлі жастағы көрермен жамағат үшін қызықты викторина түрінде өткізілді.
Қатысқан қонақтар ақын Серік Қалиев пен композитор Жарылқасын Дәулет жүрек жарды лебіздерін айтып, діни өлеңдерін оқыды. Сондай-ақ Пайғамбарымызға арналған жыр-термелер, мектеп жастағы балалар арасында Пайғамбарымызға (Алланың оған игілігі мен сәлемі болсын) арналған шығарма бәйгесі және Пайғамбар мешітінің суретін салудан сайыс өтті.
Кеш барысында кіл Мұхаммед есімді балаларға сыйлықтар табыс етіліп, мүшәйра өлең байқауынан озып шыққан балғындар да мерекелік сыйдан құр қалмады.
Кеште сөз алған имамдар 5000 теңгеге бола шешінген жастарды мысалға келтіріп, ұрпақтың азғындамауы керектігін баса атап өтті.
Еске сала кетсек, Алматыдағы “ADK” ОСО супермаркеті 5000 теңге үшін сатып алушылардан жалаңаш келуін талап еткен болатын. 12 қараша күні Алматыда тұрғындардың тегін азық-түлік үшін шешініп тастағанын хабарлаған едік.
Оқи отырыңыз:
Қазақстан полицейлері 2017 жылы алатаяқ ұстамайтын болды
Доллар бағамы 280 теңге: Сарапшылар 2017 жылы Қазақстанда болатын өзгерістерді болжады
Қазақстандық шенеуніктердің жалақысын 2 есеге арттыру туралы ұсыныс жасалды
Алматылық полицейлер көлікті тұрақтан өткізіп жіберген жүргізушіні мазақ қылды (видео)