Димаш Құдайберген Азияның ең сымбатты ер адамы атанды

Димаш Құдайберген Азияның ең сымбатты ер адамы атанды. Ол King Choice сайтының "Азияның ең тартымды 100 азаматы" (THE 100 MOST ATTRACTIVE ASIAN CELEBS 2021) рейтингінде бірінші орынды иеленді, деп хабарлайды Stan.kz ақпарат агенттігі. 

Отандасымыз 9 304 871 дауыс жинаған. Екінші орынға 8 197 925 дауыс жинаған оңтүстік-кореялық BTS тобының солисі Ким Сокджин жайғасты. 
Ал үшінші орынға тағы бір оңтүстік-кореялық әнші Чим Ын У жайғасты. Оған 1 918 514 дауыс берген. 

• Димаш Құдайбергеннің анасы оның Қытайға көшуі туралы ақпаратқа пікір білдірді

• Тағы бір қазақстандық әнші әлемдік The Voice орындаушыларының рейтингіне кірді (видео)

Айта кетейік, Димаштың бұған дейін "Азияның ең танымал әншісі" аталымы бойынша Қытайдың Top Chinese Music Awards жүлдесімен, "Ең үздік шетелдік шығармашылық жыл тұлғасы" аталымы бойынша MTV Global Chinese Music Awards жүлдесімен, сондай-ақ, Қытай мен Қазақстанның "Достық елшісі" жүлдесімен марапатталған еді.