Димаш Құдайбергенді ата-әжесі отбасындағы тұңғыш немере ретінде бауырына басқан. Бүгінде ол ата-әжесін өз ата-анасы ретінде қабылдайды. Әнші Instagram желісіндегі парақшасында әжесімен түскен суретін жариялап, 26 қараша Ана күнімен құттықтады.

«Аналар күні құтты болсын, мама! Барша аналарды құттықтай отырып, өз отбасыма, соның ішінде маматайыма осы күнге жеткізгеніңіз үшін алғыс білдіремін. Төрт-бес жасымнан бері мені өнерге баулып, өзінің аяғының ауыратынына қарамастан, күнде музыка мектебіне апаратын. Менің осы уақытқа дейінгі жеткен азды – көпті жетістіктерімнің басты себебі – өзіңізсіз. Мен дүниеге келгеннен кейін, педагогика саласында ерекше жетістіктері мен құрған мансабын мені бағу үшін тоқтатқан едіңіз. Əр баланың ізгі арманы –ананың үкілеген үмітін ақтап. батасын алу. Бірақ алдыңыздағы парызымыздың өтелуі мүмкін емес. Папа, екеуіңіз бақытты болыңыздар! Қатты жақсы көремін! Сағындым», – деп жазды әнші.

Өз кезегінде әншінің желідегі оқырмандары көзіне еріксіз жас келгенін айтты. Көпшілік Димаштай алтын ұлды бағып-қаққан анасын құттықтап, жылы лебіздерін білдіріп жатты.

Оқи отырыңыз:

Қазақтың көрнекті ақыны Мұзафар Әлімбаев өмірден озды

Жұрт алдына бояусыз шыққан Алла Пугачеваны көпшілік танымай қалды (фото)

Асхат Тарғын екінші рет әке атанды

Ақбота Сейітмағамбет: Дәурен хиджап киіп, үйде отырғанымды қалады

Талқылау